• Fady Baha'i Seleem
• 12:00 صباحًا - 13 ابريل 2010
• نقد آخر لنفس المستخدم

يعود العم "ميل جيبسون" ممثلا بعد حوالى ثمان سنوات غياب منذ فيلم "العلامات" بهذا الفيلم.. "حد الظلام".. و الفيلم باين من عنوانه..فيه ظلامية..و لكن شتان مابين ظلامية "خالد يوسف" (حين ميسرة و دكان شحاتة) و "احمد عاطف" (الغابة)..و مابين المخرج "مارتين كامبل" (كازينو رويال – جيمس بوند).. ده مبدائيا.. يبقى نحط نقطة من اول سطر و نقول..صبح صبح يا عم الحاج.. يبدأ الفيلم سهلس و سهلس ثم تبدأ الاحداث فى التصاعد تدريجيا سريعا ثم تحدث المفاجأة.. بوووووم..على رأى الحاج ممدوووح فرج! وضح فى خلال عشر سنوات..ان ميل جيبسون يعمل نجما احاديا بدون اى جنس نجم معروف.. هل هى صدفة؟ الله اعلم؟ هو الكاستينج بيبقى مش بتاعه..بس هى حاجة غريبة شوية.. ظهر تقدم السن على العم "ميل" كما قلنا..و هدأ إنفعالاته الصاخبة و ضحكاته المجلجلة و روحة المرحة الزائدة..او ربما نجح فى كتمانها.. هو من الادوار الجديرة بالمتابعة و ليس فيلما داكنا كما يصور لك اسمه..بل ربما هو "افتح" مثلا من افلام كثيرة.. هو فيلم جاد و جيد و جذاب..ليس مثيرا للغاية..لكنه به قوة جذبه الخاصة.. و ضع تحت كلمة جاد من تلت لاربعة خطوط!..مش ثقيل الظل..نو!..فيلم جد.. يعنى ايوة بقى.. فن بقى.. تمثيل بقى.. و إخراج بقى.. آه بقى! و البت الممثلة اللى عاملة بنته..مقنعة و لذيذة و خفيفة الظل و بها جمال بسيط و جاذبية هادئة..تدخل قلبك من باب انها بنتك او اختك الصغيرة فعلا.. و هى ممثلة تلفزيونية صربية اسمها "بوجانا نوفاكوفيك"..لا مؤاخذة..معلهش..اسمها كدة..من صربيا بقى..متوقعين يكون اسمها ايه مثلا؟ الهام؟ :) و معروفة ببطولتها لفيلم الرعب الشهير "اسحبنى للجحيم"! بس شغال.. بقية الـ"ستاف" بقى يا معلم..مجاهيل بالنسبة لنا..و يمكن بالنسبة للاميركان ذوات انفسهم! يعنى ممثلين داعمين زى الحاج "راى وينستون" اهو ده مثلا مثّل له دور متوسط المساحة فى الجزء الرابع من سلسلة انديانا جونز "مملكة الجمجة الكريستال".. و فيه الباشمهندس "دانى هيوستين"..كان ممثل له دور فى فيلم "منشأ الرجال إكس".. بس برضه مجهولون..مجهولون..مجهولون! الإخراج اشتغل حلو فى حدود المتاح..كان فيه شغل بذمة.. بس برضه محتاجين نجوم.. يعنى اللى يمنع اى فيلم غالبا انه يكون "بلوك باستر" كما يقولون فى الـ"ستيتس" انه يكون قليل النجوم..قليل المطاردات..عديم المشاهد الساخنة..بدون الكثير من التفجيرات..لا يمتلئ بالمواقف المفجرة للضحك..جامح الخيال العلمى او ربما مزيج من معظم هذا.. القصة جميلة..اينعم ليست جديدة جدا..لكنها محبوكة و منسوجة جيدا.. الموسيقى خدمت القصة..ليست عالية التأثير لكنها خدمت المطلوب.. الميك آب مظبوط.. تصدق ما حدث فعلا.. الحوار ممتع.. "كل شئ غير قانونى فى ماتسيتشوستس!" :) المونتاج اجاد بالفعل.. الديكورات جيدة.. فيلم للناضجين فقط..(ليس الكبار..نو..الناضجين!..هناك فرق!) النتيجة الاجمالية: 6.8 من 10

• 0 مفيد
• 0 غير مفيد