• دعاء أبو الضياء
• 12:00 صباحًا - 9 سبتمبر 2012
• نقد آخر لنفس المستخدم

فكرة تدمير الأرض وانتهاء الحياة عليها وفناء البشرية وما بعد ذلك فكرة قدمت في خمسين ألف عمل فني من خلال السينما العالمية وعلى الأخص الأمريكية، وهناك أعمال لاقت استحسان كبير وحققت نجاحات وإيرادات عالية وتركت بصمة قوية خاصة أن أفلام المستقبل البعيد أفلام مرغوب فيها ويغلب عليها طابع التشويق والإثارة،

وكما هو معروف أن فيلم (الاستدعاء الكامل) أو (Total Recall) بيدور في نفس الإطار، وقد قدمت الفكرة قبل ذلك تحت نفس الاسم عام 1990 وقام ببطولة الفيلم الممثل أرنولد شوارزنيجر كما قدمت عام 1994 من خلال دراما تلفزيونية. إذاً لا جديد في الخط الدرامي الرئيسي للفيلم وده اللي بيخليني أدور على إيه الجديد أو السبب الحقيقي لإنتاج عمل مماثل لدرجة عالية بالشكل ده! وأنا بعترف أني ملقتش أي جديد.

ويمكن نظرتي السوداوية للعمل من أول مشهد هي اللي خلتني مكتشفش ده بس أقدر أقول أن المستوى التقني اللي صمم به العمل كان على مستوى عالي والمؤثرات الصوتية والبصرية كانت جيدة وخلاني أفكر في شكل المستقبل بعد كدا ولو حصل ده هل ح قدر أعيش بنفس الشكل؟ واعتقد أن نجاح الفيلم أو تحقيقه لأي نجاح ح يتوقف على التكنولوجيا المستخدمة في المشاهد.

شخصية دوج اللي قدمها الممثل كولن فاريل خلتني متعاطفة معاه طوال الوقت وكنت بتمنى أنه يوصل لحقيقة تريحه وتريحني أنا كمان من متابعة الفيلم اللي كان أغلب مشاهده ضرب ورزع وعرفت ليه تجارة السلاح تجارة مربحة من كتر الرصاص اللي ضرب في الفيلم عمال على بطال.

العنصر النسائي في الفيلم واللي اقتصر على الممثلتين جيسيكا بيل وكيت بيكنسل كان موفق جدا وكنت مبهورة بدور كيت جدا وحركاتها السريعة والرشيقة وقدرتها الفائقة على تنفيذ تلك الحركات.

• 1 مفيد
• 1 غير مفيد