• دعاء أبو الضياء
• 12:00 صباحًا - 19 سبتمبر 2012
• نقد آخر لنفس المستخدم

كنت خايفة أوي من رد فعلي بعد مشاهدة فيلم Resident Evil: Retribution وإني اكون متجهمة زيادة عن اللزوم في رأي خاصة إني لا أميل إلى هذه النوعية من الأفلام، ولكن سعادتي كانت بالغة عندما صحت توقعاتي؛ وإن الحزء الخامس من فيلم مملكة الشر لا يستحق تضيع الوقت قبل المال في مشاهدته، وتحققت من تقييمي أنه لا يتعدى المقبول، أو لا يتعدى ألعاب الفيديو بالرغم من نسبة الإيرادات العالية اللي حققها الفيلم.

فالقصة لا جديد فيها، تشبه الأجزاء السابقة اللي بدأت عام 2002 مع تغيير بسيط في المهمة اللي بتقوم بها المستنسخة أليس في كل مرة، واعتقد إن الجزء الخامس حقق بدرجة عالية رغبات كتير أوي من اللي بيفضلوا أفلام الخيال العلمي خاصة الأفلام اللي بتكشف المستقبل البعيد وبتتناول عمليات الاستنساخ، لكن الحاجة الوحيدة اللي استغربتلها أوي هي تصنيفه ضمن أفلام الرعب وهو لا يمت بأي صلة لتلك النوعية!! يمكن علشان القصة بتدور حول تصدي أليس ﻷكلي اللحوم (الزومبي)، أو يمكن عشان كمية الدم الرهيبة اللي لونت الفيلم باللون الأحمر !!

أقدر أقول إني اتعاطفت مع اليس جدا في محنتها ومع الفتاة الصغيرة وعجبني شجاعة أليس في توليها أمر الفتاة بعد وفاة والدتها وتمنيت أنها تتغلب على قوى الشر وتقدر تفوز في النهاية اللي توقعتها قبل مشاهدتي للفيلم، وكمان عجبني لياقة ورشاقة الممثلة (ميلا جوفوفيتش) اللي قامت بدور المستنسخة أليس ومهاراتها القتالية ونجحها في توصيل الطاقة الإيجابية واعتقد إن ده الدور الوحيد اللي يستحق الثناء عليه، أو الحسنة الوحيدة في الفيلم

المشاهد كانت سريعة جدا مش ح تشعر معها بأي ملل بس اعتقد إن الصداع مش ح يودعك طوال مشاهدتك للفيلم، خاصة المشاهد الأفتتاحية للفيلم، أيضا الجانب البصري والمؤثرات الصوتية والخدع السينمائية ح تستمتع بها لدرجة كبيرة؛ لكن مش ح تخرج منها بأي حاجة مفيدة.

على أي حال إذا كنت لا تجد شيء تضيع به وقتك انصحك بمشاهدة هذا الفيلم

• 2 مفيد
• 0 غير مفيد