• محمد جوض مان
• 12:00 صباحًا - 22 يناير 2016
• نقد آخر لنفس المستخدم

اسمحولي اني اكتب النقد باللغة العامية بس عشان بشوفها اقرب للي بيقرا واسرع..من اسبوعين فية شخص ما قالي ان فية فيلم حلو لJoseph Gordon-Levitt اسمة the walk انا كنت سمعت عنة قبل كدة وشوفت التريلر فتحمست جدا وبعد كدة ماشوفتوش وقعدت فترة وبعد كدة قولت اشوفة مش هخسر حاجة ومع تترات النهاية ندمت اني قعدت طول الفترة دي ماشوفتوش ..بأختصار حلم فيليب مش بيبدأ من اول ما شاف برجيين التجارة لا الحلم بدأ من اول ما شاف نفسة يقدر يمش علي الحبل في سيرك وابتدا يترعرع الحلم في دماغة من اول ما شاف ان الحبل بتاعة لازم يتحط في حتة تليق بية بالرغم من انة ماكنش لية جمهور وقتها بس هوا كان بيدعم نفسة وكمان بابا رودي بيدعمة مقابل الفلوس واحيانا مجانا لكن مع بداية تحقيقة للحلم شاف البنت اللي هتبقا الحتة الحلوة في حياتة اللي هتديلة الأصرار والأمل مش عارف لية ماتجوزوش او كملوا مع بعض بس عموما كانت علاقة لطيفة جدا بينهم وطبعا اي شخص مشهور لازم يبقا لية المصور بتاعة فيليب قابل جون لوي اللي ساعدة برضو ووقف جنبة كتير سافر فيليب نيويورك وشاف الأبراج وهما لسة بيتبنوا وشاف حلمة بيتبني معاهم ومع الوقت قدر يجمع الفريق بتاعة وهما جون لوي المصور وجون فرانسوا اللي ساعدة في تركيب الحبل والكابلات بين البرجيين وباري جرينهاوس وبأكتمال الفريق بدأ التخطيط والتكتيك عرف ازاي يوصل الحبلين ويتواصل مع اصدقائة اللي عالناحية التانية عالبرج من خلال جهاز الأتصال الووكي توكي وعرف ازاي يعمل عقدة قوية ويحط 3 مسامير للتثبيت وبيجيي يوم العرض بعد مصاعب كتير واجهتة وهوا يوم 6 أغسطس 1974 وهنا بتبدأ دفعات الأدرينالين تملا قلبك والتوتر والرعب من مصير فيليب اللي بينجح في تحقيق حلمة وبيوصل للحبل لكن الحكومة بتوصل وبتقبض علية لأنة عمل عرض غير قانوني ولكن بيتحكم علية بتقديم عرض مجاني للأطفال ..بتسافر حبيبة فيليب واصحابة بيروحوا لحال سبيلهم وبيتحقق الحلم..كل حاجة انتهت حتي الحلم اتحقق وخلاص بس أهم حاجة الذكري اللي هتفضل عايشة ..ذكري النجاح وتحقيق الحلم ونجاح فيليب والذكري اللي احنا هنفضل نفسنا فاكرنها لفيليب بوتيت السائر علي الحبال الحقيقي .

• 0 مفيد
• 0 غير مفيد