Sinister  (2012)  شرير

أراء حرة

 [1 نقد]

ابدأ بالنص التاني من الفيلم

• دعاء أبو الضياء
• 12:00 صباحًا - 18 ديسمبر 2012
• نقد آخر لنفس المستخدم

بالرغم من أن بداية فيلم الضحية (Sinister) كانت مبهمة وفي النص ساعة الأولى تحس انك تايه مابين ربط الأحداث ببعضها؛ إلا إنها كانت بداية مشوقة جدا خاصة في المشاهد اللي كنت بحاول فيها مع المخرج سكوت ديركسون جمع معلومات عن حياة الكاتب إيلسون وسبب إقامته في مثل هذا المنزل الغريب، لكن الغريب أكتر أنك ح تفضل تسأل نفسك طول الفيلم إيلسون جاب كل المعلومات والصور والفيديوهات عن الجرائم دي ازاي، ودا سؤال من الأسئلة المبهمة اللي ماكنش عندي رد عليها، ولو تغاضيت عن التوهان اللي حصل مع بداية الفيلم أقدر أأكد...اقرأ المزيد إن درجة الاستمتاع بمشاهدة الفيلم ح تزيد مع النص التاني وواقعية الأحداث من خلال الفيديوهات اللي بتتعرض عن جرائم القتل اللي وقعت وبيحاول إيلسون الربط بينهم والوصول إلى الجاني، وبلغت درجة التشويق والإثارة دي في المشهد الأخير باكتشاف الحقيقة وراء مايحدث، أيضا فكرة إن كاتب يقرر كتابة روايات عن أحداث حقيقة وقعت وليست من خياله كانت فكرة جديدة ومقبولة لدرجة عالية، يمكن كنت بشوف أن درجة الرعب قليلة أوي وفي مشاهد ماكنتش مخيفة بس الفيلم من النظرة العامة بيحتوي على أهم عنصرين لأفلام الرعب (الإثارة والتشويق) ولو اتكلمت عن أداء إيثان هوك فقدر أقول أن كان أداؤه رائع جدا وانفعالاته وتعبيراته كان ملائمة للشخصية بشكل كبير، وده زاد من انبهاري بالعرض اللي قدمه، الفيلم في النهاية جيد وفكرته مقبولة

• 7 مفيد
• 0 غير مفيد

أضف نقد جديد