أراء حرة: مسلسل - الصياد - 2014

مسلسل الصياد من وجهة نظر تقنية

انا اشاهد مسلسل الصياد اعجبنى جدا أعجبتني القصة الفكرة و اللغز و قصة نظرية المؤامرة لكن انا لست ناقد فني لكنى مبرمج و نقدى هو لثلاثة نقاط . 1- عندما وجد الضابط سيف الـHard desk و الـfile الذى يحتوى على جلسة الطبيب مع الصياد الملف الذى لا يمكن نسخه لكن فى الحقيقة هو انه لا يوجد اى برنامج او طريقة تمكنك من جعل الملف غير قابل للنسخ و مع ذلك اذا وجدت هذه الطريقة فيمكن بكل بساطه حلها بعده طرق و بكل سهوله و بالذات انه (الضابط سيف) ذهب لمتخصص تقنى . 2- الملف عند أدخال الـPassword ثلاثة مرات يحذف...اقرأ المزيد الملف نفسه حسنا من الممكن أن يحدث هذا لكن إذا كان الطبيب يعرف البرمجة أو لديه احد يبرمج له مثل ذلك البرنامج الذى يفعل هذا لكن أذا حدث هذا فسيستطيع الخبر التقنى الذى ذهب اليه الضابط سيف كان سيستطيع استخراج الملف عن طريق الهندسة العكسية مثل برنامج ollydbg او غيرها من البرامج و لو لم يستطع لأخبره بإمكانية ذلك لكنه صعب . 3- و اما الفاجعة فهى عندما قام بتخمين كلمه السر انه كتبها فى شاشه تغير كلمه المرور لحساب على نظام الوندوز و ليس حتى شاشة كتابه كلمه مرور اعتياديه . فى راى أن هذه المقاطع من المسلسل كان فيها مبالغة . و شكرا و برغم ذلك فهو مسلسل جميل جدا و أعجبني و أتابعه و ارجوا الحذر من المشاكل الصغيرة هذه فى المرة القادمة .

افضل مسلسل في رمضان

القصه مشوقه جد من النوع البوليسي التشويقي و هو امتداد لأبداعات يوسف شريف رقم مجهول و المواطن اكس و غيرها. الكاتب عمرو سمير عاطف مبدع جدا كتب المسلسل بشكل متسلسل و مشوق و انا كم تمنيت لو طبعت قصه المسلسل في كتاب. المخرج أحمد مدحت مبدع و عرف كيف يختار و يوظف و يستغل طاقات الممثلين مسلسل الصياد سلسل يجبرك على لهفة انتظار الحلقة التالية. الممثلين جميعهم نجوم و خصوصا السوبر و الفنان المحترم يوسف شريف الذي ابدع بتجسيد الشخصيه ,الفنان الشاب أحمد صفوت الذي يحسسك انه طبيعي لا يمثل و صدق...اقرأ المزيد مشاعره,المواهب دينا فؤاد و إيناس كامل ابدعو و المخرج عرق كيف يوظف طاقاتهم الفنيه. الضابط الاسمر و صديق الإخت و كان تمثيلهم مميز . عندي ملاحظات علي المخرح مي سليم مش بطاله للدور بس انا شايف لو دورها اخذتو هنا شيحة او نور لبنانيه او داليا البحيري كان ممكن يبدعو اكثر أشرف مصيلحي لم يكن الاختياره موفق انا كنت افضل لو كان مكانه الدكتور عزت ابو عوف او صبري فواز او ماهر ماهر عندما تشاهد هذا العمل تعتقد انك تشاهد مسلسل عالمي و ليس مسلسل عربي. هذا العمل محترم جدا لا يوجد الفاظ خارجة او مشاهد خادشه للحياء .

وجهة نظر ..

لم أشاهد أي مسلسلات خلال الشهر الكريم...لان المشاهدة من خلال التلفزيون أصبحت تصيبك بأشد أنواع الملل لتعدد الفواصل وطول مدتها ناهيك عن أفكار الأعلانات المملة المسببة بشكل مباشر لارتفاع ضغط الدم . شاهدت مسلسل الصياد علي يوتيوب وانتهيت من المشاهدة خلال أول وثاني ايام العيد المسلل متميز مما جعلني استمر في المشاهدة حتي النهاية بداية من السكريبت رغم احتوائة علي العديد من التيمات المتكررة مثل البطل الذي يفقد عائلتة ويسعي للانتقام أو وجود خلية من الضباط تقوم باعمال خاصة الا ان السكريبت جاء محكم مهتم...اقرأ المزيد بالتفاصيل والشخصيات لم تكن سطحية رتم المسلسل لم يكن ممل علي الاطلاق كان تسارع الاحداث ممتاز بشكل يدفعك للمتابعة أداء الممثلين كان ممتاز بشكل عام.. الا ان مي سليم كانت مملة بشكل كبير وشخصية دكتور الجامعة كانت كرتونية تماما ومبالغ في ادائها والضابط الاصلع ( زياد) أكتشاف رغم ان مساحة الدور صغيرة لكن اداءه كان ملفت المونتاج حافظ علي قالب ثابت للمسلسل وتيمة معينة كانت ناجحة جدا مواقع التصوير الخارجية كانت ممتازة ( اللوكيشن فايندرز عاملين شغل جامد) الديكورات كانت ممتازة وبالأخص التصميم الجيد لجهاز مكافحة الارهاب الموسيقي التصويرية لمصطفي الحلواني جيدة جدا أختيارات زوايا التصوير ممتازة وكذلك الأضاءة يوجد بالطبع بعض التعليقات التي لاتؤثر علي تقييم المسلسل وجودتة مثل بعض التفاصيل مثل عم ابراهيم الذي لا يجيد القراءة في احد المشاهد ويجيدها في مشهد أخر مستوي معيشة سيف ( السيارة المرسيدس والفيلا) لاتدل علي الاطلاق علي مرورة بازمة مادية وعدم قدرتة علي دفع مصاريف مدرسة بنته دكتور الجامعة كان يرتدي نظارتة الطبية في العديد من المشاهد بدون عدسات (فريم فقط) في احد المشاهد يظهر في الخلفية أحد المساعدين في اللوكيشن يقوم بوضع او تعديل وضع تابلوة علي الحائط ظهور الضابط طارق في اكثر من مشهد وله لحية واضحة مما يتعارض مع المعتاد علية من الانضباط لضباط الشرطة في صوره أحد الضباط المقتولين يظهر الضابط في الصورة بوضع البيرية بشكل خاطئ مع العلم ان غالبا مايتم تصوير الضباط بالكاب وليس البيرية مطاردة الصياد في المستشفي كان بها العديد من الاخطاء في العديد من المشاهد لم يكن سيف يرتدي العدسات البيضاء تحت نظارة الشمس العمل اجمالا جيد جدا والمجهود المبذول واضح جدا علي الشاشة وكان بعيد كل البعد عن اي ابتزال او الفاظ خارجة أو مشاهد مبتزلة

رحلة في عالم الصياد

- مسلسل الصياد من أول حلقه هيجذبك حتى لو مكنتش بتحب يوسف الشريف وبتابع أعماله لأنه مثير للفضول، عاوز تعرف إزاي الأعمى بيتصرف وكل ما هتشوف لقطه منه بالصدفه هتتعاطف معاه بشكل غريب خاصة انهم عملوا كام موقف ف البدايه له علاقة بالموضوع ده ومواقف محرجه لشخص أعمى فبيزيد التعاطف معاه. - بعدين لما تتفرج هتلاقي ان الموضوع واحده واحده بيبقى أكبر من كده بكتير، ويتحول عامل الجذب للصياد نفسه مين هوا أصلا وليه بيقتل الناس ومشاهد القتل اللي معموله بحرفية شديدة بتدخل المشاهد ف حالة من التوتر الرهيب وهنا المشاهد...اقرأ المزيد ف حالة تعاطف مع الضحايا وضد الصياد. - تبدأ المرحلة الثالثة لما سيف بيحكي ملاحقته للصياد وإنها السبب انه يكون أعمى وحلقات منتهى الإثاره والخوف والعبقرية ف جذب المشاهد وتضخيم كيان كبير اسمه الصياد والصراع بينه وبين سيف، ثم يستقر المشاهد ف النهايه ان الصياد مات فيظن ان الموضوع هدي شويه وان اللي بيقتل دلوقت هوا مجرد واحد بيقلدوا وطالما الصياد مش موجود هيبقى مفيش خطر كبير. - ولسه المشاهد بياخد نفسه بيتفاجئ ان سيف مش أعمى أصلا وبيتصاعد دور المحاميه مشيرة ( دينا فؤاد ) اللي عملت توتر رهيب ف علاقاتها بالظباط ومع سيف برده وأيضا الظابط طارق ( أحمد صفوت ) اللي من ناحيتة مش مصدق موضوع الصياد اللي سيف حكاه وتستمر بقيت الحلقات ف اننا بنكتشف ان سيف هوا الصياد وانه بيحاول يقتل الناس اللي قتلوا مراته وانه عنده ليست باسمائهم واحمد صفوت واحده واحده بيفهم ويجمع المعلومات. - ف نفس الوقت ان الدكتور رفيق ( محمد العمروسي ) اللي كان بيحب اخت سيف علياء ( ايناس كامل ) قلب الحوار تماما باكتشافه ان سيف مش اعمى وهكذا بقى الصراع بيستمر بين سيف والمحاميه من ناحية وبين الظابط طارق من ناحية أخرى ف حلقات أقل ما يقال عنها انها استثنائيه . - نيجي بقى لعوامل تميز المسلسل: أولا: المخرج أحمد مدحت عظيم بجد من كل النواحي الصوره والكادرات وزوايا التصوير وقفلات الحلقات ورتم المسلسل اللي تقريبا مبيهداش حاجه عظيمه بجد وإدارة الممثليين بشكل رائع جدا واختيار أماكن التصوير والألوان الغامقة اللي بتزود توتر المشاهد وتكنيك تصوير مشاهد القتل عالمي بصراحه. ثانيا: الموسيقى التصويريه أقل ما يقال عنها انها عظيمه بتدخلك ف عالم تاني عالم المسلسل مجرد ما تسمع موسيقى التتر بتنسى نفسك اصلا والتوتر اللي بتساعد ف خلقه ف اغلب المشاهد بجد الموسيقى ف المسلسل ده من أكتر الموسيقى التصويريه اللي ممكن تكون مؤثره ف عمل ف تاريخ المسلسلات عامة . ثالثا: طبعا السيناريو والحوار الرائع جدا جدا من عمرو سمير عاطف سيناريو متكامل حرفيا وبيرفع ليفل الذكاء بتاع السيناريو لمنطقه عاليه جدا جدا وتويستات مبنيه صح وشخصيات عميقة لدرجة انه ممكن يكون المسلسل الوحيد اللي هتتفرج عليه وتتعاطف مع كل الاطراف، هتتعاطف مع سيف اللي قتلوا مراته وبيحاول يجيب حقها وهتتعاطف مع الظابط طارق المنافس بتاعه لانك عارف انه ظابط محترم وشاطر وف اغلب الوقت هتبقى خايف عليه من ذكائه وف نفس الوقت متعاطف مع عليا اخت سيف اللي اكتشفت ان أخوها مش أعمى والصراع اللي بداخلها هل تعترف عليه ولا لاء وف كلا الحالتين مش هتقدر تلومها ومتعاطف مع حلا ( مي سليم ) اللي هيا بتحبه وبرده اكتشفت انه مش اعمى وهكذا بقى المسلسل عمل حاجه صعب تتعمل انك طول الوقت متعاطف مع الضحية والقاتل . رابعا: اداء الممثلين أولا يوسف الشريف دور رائع واستثنائي له وتعامل مع الدور بحرفية شديده جدا خلاك تتعاطف معاه ف البدايه علشان أعمى ومتشكش للحظه انه مش أعمى وطريقة مشيته والوقفه والنظرات وحركة دماغة حاجه جميله جدا ثم أقنعك انك تصدق انه ذكي وشاطر جدا لدرجة ان الصياد اللي محدش عارف يقبض عليه هوا الوحيد اللي يقدر يمسكه، ثم رجع تاني خلاك تتعاطف معاه لما اكتشفنا انه مش اعمى وانه بيجيب حق مراته والصراعات القويه جدا بينه وبين احمد صفوت مشاهد عاليه جدا جدا ومشاهد القتل ومشهد التحقيق ف العمليه مشهد عظيم اوي واحترافي لدرجه بعيده ومشاهده مع الدكتوره النفسيه جامده وقدر يقنعك خلالها انه رغم كل ده لسه جزء من ضميره صاحي ودي كانت اكتر حاجه مخلية المشاهد متعاطف معاه جدا واخيرا المشهد الاخير عظيم جدا جدا وهوا بيقتل الظابط الكبير وابتسامته اللي من خلالها تقدر تشوف فرحته انه تخلص منهم كلهم وف نفس الوقت لزته ف القتل. ثانيا احمد صفوت يا اخي ايه العظمه دي ايه الكاريزما دي واستايل لبسه مختلف عن الباقي وطريقة تفكيره وتحولات شخصيته بين شخص هادي وذكي وعارف هوا عاوز ايه لشخص تاني عصبي جدا وبيدافع عن الحق بضراوه بجد ممثل تقيل جدا ومن اهم عوامل نجاح المسلسل وحواراته سواء مع قاداته ف العمل او مع سيف كان رائع جدا والمشهد الاخير بصراحه ممثل خطير مش واخد حقه خالص. ثالثا دينا فؤاد رهيبه برده وشخصيتها المختلفة بين بداية المسلسل ونهايته تعرفك انها ممثله شاطره جدا . رابعا اسماعيل شرف ممثل تقيل اوي اوي ظهر كده خلق نوع من الارتباك للمشاهد كل مشاهده تقريبا عظيمه وكان من اكتر الشخصيات المثيره للجدل والفضول ف المسلسل . خامسا امير صلاح الدين وشخصيته المنفضه واللي مش فارق معاها الدنيا وطريقته ف رمي الايفيهات بجد عمل شخصيه مرحه ميزته ف المسلسل جدا . سادسا تامر ضيائي ممثل تقيل جدا وتحولات شخصيته عظيمه بين حبه لسيف وعلاقته بيه وبين انه ف وقت من الاوقات مبقاش مصدق كل اللي قاله ومنظره ف المشهد الاخير وهوا بيبكي وهوا بيقتل سيف مشهد رائع جدا . وباقي الكاست كله كان كويس برده لدرجه كبيره جدا . خامسا: الاستايلست والملابس كلها مختلفه تخليك تحس انك بتتفرج على عمل اجنبي ومتناسقه بطريقه رائعه مع الديكور والصوره بجد شغل عالي . - ف النهايه تقيمي للمسلسل 9.5 حابب اشكر كل القائمين على العمل ده عمل سيظل ف التاريخ حرفيا شكرا يوسف الشريف شكرا عمرو سمير عاطف شكرا جدا جدا أحمد مدحت واتمنى تتعاونوا تاني انتوا التلاته.

حقوق الطبع محفوظة © 2024, شركة دملج (ش.م.م) ®
ملك وإدارة دملج ش.م.م: