| اسوار الذكرى |
فيلم متكامل وقصة جديدة
اولا_المشاهد
مشاهد عادية رقص فى كباريه مفهوش اى اثارة ولا اى حاجة غريبة واظن عز كان فى مشاهد رقص فى حلم عزيز.. يعنى حاجة قريبة مفهاش اى حاجة ...والمشهد اللى...اقرأ المزيد بتتكلموا عنه بتاع عمرو يوسف كان كوميدى والقاعة كلها فضلت تضحك على مشهده هو وعز ..واتحدى اى حد يقولى ان الفيلم كان فيه بوسه واحدة.
#ثانيا_الالفاظ
الفاظ عادية متداولة وهو لفظ واحد بس متكرر والكلمة دى عندنا عيب لكن فى لبنان وباقى الدول معناها المرأة (طبعا عرفته اللفظ) وملحوظة مهمة ..ان الكل بيضحك اوى اول مايقولوا كده
#ثالثا_الكوميديا
اقسم بالله من اول مشهد لاخر مشهد القاعة كلها بتضحك
#احمد_عز : يخربيت جمالك وادائك
#عمرو_يوسف .. ده جزاء اللى ميسمعش كلام الكبير .. ادائك تحفة
#احمد_داود #احمد_الفيشاوى: يخربيت دمكم العسل
#صلاح_الجهينى.. مليوون تحية لك وتحية خاصة للنهاية
#طارق_العريان: مبدع ورائع ..بجد شابوووووووووه
طبعا اخراج وانتاج وتأليف وتمثيل ... برافو
#الخلاصة:
كل القاعة طلعت مبسوطة جدا وبيضحكوا وبيحكوا عن اولاد رزق
ولا فى حد طلع ولا حد عمل ولا اى شئ حتى العيال الصغيرة عجباهم اووووى الفيلم
بجد #شاااااااااااااااااااااااااااااابوه لكل فريق العمل
|
|
|
|
| Ahmed Haikal |
اقتباس غير مباشر ... أدى لنتيجة عظيمة
بعد أن شاهدت التريلر الرسمى للفيلم توقعت أن يكون فيلم جيد ولكن بعد مرور أول نصف ساعة فى الفيلم تأكدت بأننى أمام تجربة سينمائية مختلفة على السينما العربية...اقرأ المزيد وتركيبة متنوعة من الأكشن والكوميدى والاثارة فى قالب متميز .
السيناريو(صلاح الجهينى): جيد جدا وغير منقول من أى فيلم آخر باستثناء الالتواءة قرب النهاية وهى مأخوذة من فيلم أمريكى من أشهر أفلام التسعينات ولكن كل ماهو غير ذلك فهو أصلى وغير منقول. (8.5/10)
الحوار: جيد لايخلو من بعض الشتائم الزائده والغير مبررة فى بعض الأحيان ولكنه فى المجمل مقبول.(7/10)
الممثلين:
1- احمد عز (رضا رزق) : جيد جدا فى بعض المشاهد ولكنه فى الأغلب جيد.(7.5/10)
2-عمرو يوسف (ربيع رزق): جيد (7.5/10)
3-احمد داود (رجب رزق): ممتاز وهو ثانى أقرب شخصية لقلبى فى الفيلم (9/10)
4-كريم قاسم (رمضان رزق): أداؤه جيد على قدر مساحة دوره(7.5/10)
5-أحمد الفيشاوى (عاطف سرحان): امتياز مع مرتبة الشرف .. أداء متميز للغاية من الفيشاوى .. عاطف دوره محورى وهو أهم شخصيه وكان تحدى كبير أمام الفيشاوى ولكنه نجح فيه وبشده(10/10)
6-محمد ممدوح (رؤوف حمزاوى): محمد ممدوح هو الجوكر الذى يمكنك أن تضعه فى أى دور وسيؤديه كما يجب حتى وان كان العمل غير جيد (8/10)
7-سيد رجب (المعلم صقر): كما هى العادة يبهرنا سيد رجب بتأدية شخصيات غريبة الأطوار بشكل سهل وهادئ (8/10)
-الأدوار النسائية عاديه للغايه وغير جديده ولكن تجسيد نسرين أمين(حنان) و ندا موسى (رباب) كان جيد (7/10)
-الاخراج(طارق العريان): أنا من محبى أفلام طارق العريان وخصوصا (تيتو) ولكن أرى بأن طارق العريان فى (ولاد رزق) أفضل من تيتو من ناحية تنفيذ المطاردات وكادرات التصوير الجديدة وألوان الصورة الرائعة ولكن هناك استخدام لبعض المشاهد الجريئة كان من الممكن تفادى بعضها (8.5/10)
-الموسيقى التصويرية(هشام نزيه): كالعادة يأتى هشام نزيه بموسيقى تصويرية رائعة تجسد وتبروز كل لحظه فى الفيلم (10/10)
-(ولاد رزق) تجربه سينمائية مختلفه عن أى شئ قدم فى السينما العربية ... التواء رائع مخدوم بحبكة متميزة . برغم كل الاتهامات التى سبقت عرضه بأنه مسروق من عدة افلام . يأتى (ولاد رزق) بسيناريو متمتيز والتواءة مقتبسة ولكنه اقتباس غير مباشر ... أدى لنتيجة عظيمة.(لاينصح بدخول الأطفال)
|
|
|
|
| Mostafa Ȝlaa El-deen |
منافسة لذيذة في السنيما المصرية
أولا احب اقول الاقتباس مش غلط شايف ناس كتير اوي دخلت الفلم و كل انتقاداتها ان الفلم متاخد من فلم اخر The Usual Suspects
لكن فكرتين الفلم مختلفتين الي حد ما اه...اقرأ المزيد في اقتباس في الاسلوب لكن القصة اتغير
فيلم "ولاد رزق" من اكتر الافلام المصرية اللي شفتها و نزلت في الفترة الاخيرة اللي اتصرف عليهم صح و الانتاج كان محترم
من اكتر الحاجات اللي الفيلم انتقد عليه النص الاول منه بحجة انه مليان ايحائات و شتايم جديدة علي ودان المتفرج و هكذا
دي مش حاجة غلط انت لما بتتفرج علي فيلم اجنبي من الافلام اللي بتبهرك بيبقي فيها نفس الكلام ممكن تكون مبتاخدش بالك بحكم اللغة و ممكن تكون مبتاخدش بالك بحكم ان عقلك في فكرة مسيطرة ان هم مبيعملو حاجة غلط .... ثم ان النص الاول من الفيلم لازم كان يطلع بالشكل ده لانه بيرسم نوع معين و طبقة معين من الناس اللي موجودة في مصر فلازم كان يطلعهم بشكلهم و اسلوبهم
الفيلم متقن للغاية من ناحية اللغز الاخير في الفيلم لدرجة ان حتي في البوستر بتاع الفيلم حاطتين صورة احمد الفيشاوي مش ولا رزق عشان يرسخ في دماغ المتفرج انه مش اخوهم انا قبل نص الفيلم فهمت ان احمد الفيشاوي متفق ممكن مع احمد عز و رايح للظابط لكن مجاش في دماغي فكرة انه اخوهم و دي حاجة حلوة جدا ان المتفرج يتوقع حاجة و يتفاجئ بحاجة تانية ...
في بعض المشاهد اللي صنعها كان ضعيف زي مشهد العملية لما فشلت طريقة الهروب كانت مزيفة اوي بزيادة
و مشهد سرقة عربية الدهب نفس الكلام + ان مشهد عربية الدهم متاخد بالنص من لعبة GTA V بس سبق و قولت الاقتباس مش غلط
اداء الممثلين كان كويس جدا بس للاسف اغلب الناس مش هتقتنع بسبب العيون الخضرا مش اكتر لكن عمرو يوسف في الحقيقة ادي الدور كويس جدا جدا و احمد عز ادائو كان فوق المتميز و كذلك احمد الفشاوي و داود
عنوان النقد منافسة لذيذة سبب اختياري للعنوان ده ان بدات احس ان في منافسة في الاخراج و الانتاج بين الفيلمين "الفيل الازرق" و "ولاد رزق" رغم اختلاف نوع الفلمين تماما عن بعض ولكن الاخراج كان متقن و اساليب التصوير متقنة و الانتاج واضح انه كان سخي و في الحقيقة كثرة المنافسة دي هتنضف السنيما المصرية بنسبة مش قليلة من افلام السف و الانتاج الضعيف اللي بيعتمد علي مشاهد الرقص و الاغاني
في النهاية احب اقول ان الفيلم كويس جدا جدا انا شخصيا استمتعت بيه جدا و اتمني الزيادة من النجاح للفيلم
|
|
|
|
| ياسر يوسف محمد |
النسخه القذره من The Usual Suspects
قبل أي كلام احنا محتاجين نعتذر لصناع فيلم حلاوة روح اعتذار كبير جدا بسبب الحرب ال قامت ع الفيلم ورفعه من السينمات والدعاوي والقضايا ده أولا
لأن ثانيا بقا احنا...اقرأ المزيد قدام اسوء فيلم اتعمل في آخر عشر سنين ، شتايم جديده لانج على ودان المشاهد المصري ، لقطات جديده لانج على عنين المشاهد المصري
الساعه الأولى عباره عن فيلم جنسي متكامل الأركان لا ينقصه إلا ...
الحبكه مكشوفه من أول الفيلم وأي واحد شافله كم فيلم أجنبي هيلقط الحوار وهيفهم النهايه ايه من أول ربع ساعه .
ايه الحلو ال في الفيلم ؟
أحمد الفيشاوي وأحمد داوود وده شيء غريب صراحه ويدل قد ايه ان العناصر الفيلم الأساسيه كانت في منتهى السوء
حتى الموسيقى التصويريه ال الواحد اما شاف اسم هشام نزيه اتعشم خير كالعاده بحكم موهبة الراجل طلعت أقل من العاديه .
المشكله المضحكه فعلا أن البطلين الأساسين عز وعمرو المفروض انهم الصياعه كلها بقا وكده لكن الحوار قلب كوميدي فعلا خصوصا مع ملامح الفرافير ال حاولوا يداروها بالدقن والصوت الطخين .
|
|
|
|
| Milad Zaher |
ولاد رزق .. فيلم أمريكي بنكهة مصرية
اربعة أخوة يجمعهم الفقر والجوع، يتفقون على البطش باعدائهم، والقفز من مستنقع الفقر الى جنة الثروة، القفزة التى لن تتحقق الا بوسائل غير مشروعة بالطبع، يستعرض...اقرأ المزيد الفيلم قصة الاشقاء الاربعة من خلال حكاية صديق مشترك للأخوة احمد الفيشاوي لظابط الشرطة المكلف بالقبض على الأخوة محمد ممدوح .
لا تتوقف القصة عند هذا الحد، بل تاخذنا فى عالم متشابك من عوالم الجريمة المنظمة فى مصر، ما بين تجارة السلاح والمخدرات، السرقة بالاكراه والخطف، مع الكثير من التعرض لمشاهد اصطحاب العاهرات لبيوت مشبوهة لزوم (الفرفشة) بعد كل عملية ناجحة، مع خلاف خارجي من الغموض لا ينكشف الا فى المشاهد النهائية للفيلم، وهى الحيل التى اجادها ويجيدها المخرج طارق العريان، والمتاثر لدرجة كبيرة بالمدرسة الامريكية الهوليودية فى افلامه، مع العديد من الاقتباسات والاسقاطات خلال مجريات احداث الفيلم.
استطاع عز التغيير من شكله واكتساب قليلاً من سمات (الصايع)، مع انخفاض ملحوظ فى وزنه وقدرة متميزة على القيام بدوره، كما استطاع (يوسف) اتقان دوره وان جاء فى مساحه محفوظة ومتوقعة من الاداء، كنا نتوقع المزيد من الخروج عن المألوف فيها.
كريم قاسم فى دور رمضان و احمد داوود فى دور رجب، مساحة دور الاول لم تكن قوية بالقدر الكافى، اما الثاني فاستطاع تقديم دور جديد على طبيعة ادواره واتحافنا بأداء مختلف.
سيد رجب كالمعتاد لم يخيب ظننا، مع بعض التكرار فى اداء شخصية زعيم العصابة صاحب القفشات الكلامية والحركات الدرامية الكوميدية المؤثرة، اما محمد ممدوح فاستطاع تقمص دور ظابط الشرطة بشكل متميز، مع بحة صوت مميزة تذكرنا بتلك النبرة الكلامية المختلفة التى اداها فى شخصية الطبيب النفسى فى (الفيل الازرق) .. سيكون لممدوح شأن عظيم فى السينما المصرية فانتظروه.
البطولة النسائية لنسرين امين تاهت فى خضم شخصيات بنات الليل والراقصات. كنت اتوقع مساحة تمثيل افضل واعلى لوجه جميل وجذاب وموهبة متقنة لواحدة من افضل بنات جيلها فى مجال التمثيل، لكن (هارد لك) يا نسرين!
|
|
|
|
إعلان فيلم (ولاد رزق)
