أحمد حلمي يستنكر تصريحات صحفية مفبركة على لسانه!

أحمد حلمى

استنكر النجم أحمد حلمي تصريحات صحفية مفبركة على لسانه بشأن رغبته في تجسيد شخصية "كلب" في عمله المقبل، بعد تجسيده لشخصية "باندا" في فيلمه الأخير " صنع في مصر"، وتقديمه اﻷداء الصوتي لشخصية القرد "مسعد" في " العملية مسي".

وكتب حلمي عبر صفحته الرسمية بموقع "فيس بوك": "جالي ماسيج من صديق مكتوب فيها "بص كده على اللينك ده.. كلامك غريب جدا" مفهمتش الماسيج بصراحة.. بس دوست على اللينك ففتحت صفحة لجرنال عربي معروف.. لقيت صورتي وتحتها حوار طويل وسين وجيم.. المفروض إن ده حوار أنا عملته مع صحفي في الجريده دي.. بس إزاي!! .. ده أنا بقالي سنين معملتش أي حورات صحفية .. إلا إذا كنت بتكلم وأنا نايم بقى".

وتابع حلمي "لما قريت الحوار فهمت الماسيج بتاعت صديقي الصحفي.. إن كلامي غريب.. ده مش بس غريب.. ده كمان مريب.. فرديت علي الماسيج بتاعة صديقي وقولتله " تصدق فعلا كلامي غريب جدا .. عارف ليه .. لأن مش أنا اللي قايله .. ده كلام مضروب، حبيت بس أقول إن أنا معملتش أي حوارات صحفية خالص.. وأي حوار أو كلام أو رأي منشور أنا ماليش دعوة بيه ولا يمثلني في شيء .. شكرا".

جدير بالذكر أن صحيفة "الرأي" الكويتية نشرت حوارًا منسوبًا لأحمد حلمي، جاء فيه أنه يتمنى أن يقدم شخصية "كلب"، على الرغم أنه لم يجر أي حوارات صحفية منذ عدة سنوات.